რეგისტრაცია

ჩვენი პატარა ჯაყელები, კოტეს და ანრის ლექსები

ჩვენი პატარა ჯაყელები, კოტეს და ანრის ლექსები...

უფასო ტრენინგების სარეგისტრაციო ფორმა

საქართველოს იუსტიციის სასწავლო ცენტრი 1 ივლისიდან 30 სექტემბრამდე საქართველოს 33 სოფელში იწყებს ტრენინგების უფასოდ ჩატარებას. სამართლებრივი ...

ანრი ჯოხაძის სოლო კონცერტმა სრული ანშლაგით ჩაიარა

ოვაციები, მხურვალე ტაში და შეძახილები – ასე შეხვდნენ კაზრეთში ანრი ჯოხაძეს. ბოლნისის მუნიციპალიტეტის გამგეობის მხარდაჭერით მომღერალმა სოლო კ...

დაბა კაზრეთში ყელ-ყურ-ცხვირის და ფარისებრი ჯირკვლის უფასო გამოკვლევები ჩატარდება

თბილისის მუნიციპალიტეტის ფრაქცია „ქართული ოცნება დემოკრატიული საქართველო“ და შპს „ოტორინოლარინგოლოგიის და თავ-კისრის ქირურგიის ქართულ-ფრანგუ...
$GLOBAL_HOME -$
ბოლო აქტივობა
მთავარი » სიახლის არქივი
« 1 2 3 4 5 6 »
კომპანია „RMG“ 13-14 ივნისს თბილისში მომხდარ სტიქიასთან დაკავშირებით განცხადებას ავრცელებს და დაღუპულთა ოჯახებს უსამძიმრებს. „პირველ რიგში სამძიმარს ვუცხადებთ სტიქიის შედეგად დაღუპულთა ოჯახებს, ვუთანაგრძნობთ ყველა დაზარალებულს, თანაგრძნობასა და პატივისცემას გამოვხატავთ ყველა იმ ადამიანის მიმართ, ვინც თავდაუზოგავად იმუშავა სტიქიის შედეგების აღმოსაფხ...
თბილისის საქალაქო სასამართლოს ადმინისტრაციულ საქმეთა კოლეგიის გადაწყვეტილებით, ყაჩაღიანი #1 უბანზე კომპანია „RMG“-ის საქმიანობა არ შეჩერდება.

მოსამართლე ნანა დარასელიას გადაწყვეტილებით, რომელიც კომპანიის წინააღმდეგ “ახალგაზრდა იურისტთა ასოციაციის” სარჩელს განიხილავდა, აღნიშნულ უბანზე კომპანიის სამუშაოები არ შეჩერდება, თუმცა 12 დეკემბრის აქტებთან დაკავშირებით, სასამართლოში მსჯელობა მოგვიანებით გაგრძელდება.

არ დაკმაყოფილდა არც ჟურნალისტ ნინო მიქიაშვილის მოთხოვნა, რომელიც ყაჩაღიანის უბანზე სამუშაოების შეჩერებას ითხოვდა.

სასამართლოს გადაწყვეტილებით, ნაწილობრივ კმაყოფილია “საყდრისის დაცვის კომიტეტის” წარმომადგენელი ირაკლი მამალაძე. როგორც მან პროცესის დასრულების შემდეგ აღნიშნა, მოსამართლის გადაწყვეტილება, ობიექტის დათვალიერებამ გამოიწვია.

“დღევანდელ სასამართლო პროცესზე მოსამართლემ გამოიტანა ასეთი გადაწყვეტილება, რომ ობიექტზე საერთოდ არ იქნას სამუშაოები შეჩერებული და კომპანიას მუშაობის გაგრძლების საშუალება მიეცეს. ეს გადაწყვეტილება განპირობებული იყო იმით, რომ მანამდე, საყდრისში სპეციალისტებთან და არქეოლოგებთან ერთად, მოსამართლე იყო ჩასული და ობიექტი დაათვალიერა. როგორც არეოლოგები აცხადებენ, ობიექტი საერთოდ აღარ არსებობს და შესაბამისად, იქ რაიმე სახის არქეოლოგიური ექსპედიცია აზრს მოკლებულია. შესაბამისად, მოსამართლემ დაინახა ეს პრობლემა, მაგრამ რაც მთავარია, ჩვენ კმაყოფილი ვართ მეორე გადაწყვეტილებით, რომელიც 12 დეკემბრის აქტებთან დაკავშირებით დავის გაგრძელებას ეხება. მე “საყდრისის გადარჩენის კომიტეტის” სახელით ვაცხადებ, რომ სასამართლოში აუცილებლად მოუწევთ მოსვლა იმ პირებს, ვინც საყდრისი ააფეთქა, კონკრეტულად, კულტურის მინისტრს გიორგაძეს, ძეგლთა დაცვის სააგენტოს ხელმძღვანელს ნიკოლოზ ანთიძეს და იმ თვითმარქვია არქეოლოგებს, რომლებმაც ფულის სანაცვლოდ საყდრისი ააფეთქეს და უკანონო აქტებს მოაწერეს ხელი“, – განაცხადა ირაკლი მამალაძემ.

დღევანდელი განჩინების გასაჩივრების თაობაზე მოსარჩელე მხარე გადაწყვეტილებას მოგვიანებით მიიღებს.

როგორც საიას იურისტმა და მოსარჩელეების წარმომადგენელმა სულხან სალაძემ განაცხადა, ამ ეტაპზე რთულია საუბარი, თუ რა კონკრეტულ გარემოებებს ეფუძნება მოსამართლის განჩინება.

„ბუნებრივია, როდესაც განჩინება ჩაბარდება, მოსარჩელე მიიღებს გადაწყვეტილებას, გაასაჩივროს თუ არა აღნიშნული განჩინება. მიუხედავად იმისა, რა მოცემულობა გვაქვს დღეს საყდრისში, ან რა მდგომარეობაშია ობიექტი, დღევანდელ განჩინებას არანაირი პირდაპირი შემხებლობა არ აქვს თავის არსთან, ვინაიდან სასამართლოს არ უთქვამს, კანონიერი იყო თუ არა კულტურის სამინისტროს ან კულტურული მემკვიდრეობის ეროვნული სააგენტოს გადაწყვეტილება. ამ საკითხზე სასამართლო ცალკე იმსჯელებს. ჩვენ ძალიან ბევრი ახალი მტკიცებულება გვექნება”, – განაცხადა სულხან სალაძემ.
საყდრისის ქართულ–გერმანული ექსპედიციის ხელმძღვანელი ირინა ღამბაშიძე აცხადებს, რომ საყდრისის ძეგლი უკვე აღარ არსებობს და მის ადგილზე დიდი ორმოა. „არ არის უკვე დიდი ორმო, სიღრმეზე მიმდინარეობს სამუშაოები. ის დონე, რომელზეც, ჯერ კიდევ ვვარაუდობდით კულტურული ფენების შენარჩუნებას, დანგრეულია, ხელყოფილია. როგორც მან „კურიერთან“ საუბრისას განაცხადა, 10 წლის განმავლობაში, ძეგლის შესწავლით მისი უნიკალურობა დადასტურებული იყო. „ეს იყო არამხოლოდ საქართველოს კუთვნილება, არამედ ეს იყო მსოფლიო კულტურული მემკვიდრეობის ძეგლი. მიღწეული გვქონდა პრეისტორიული ხანის გვირაბები, ოქროს მოპოვების კერა აღწევდა 38 მეტრს. ახლა მიმდინარე სამუშაოები უკვე გასცდა ამ სიღრმეს, 80 მეტრამდეა ჩასული. აღარაფერი აღარ არსებობს", - აცხადებს ირინა ღამბაშიძე.
"არქეოლოგიური ობიექტი დაშლილია და საქმიანობის შეჩერების აზრი აღარ არსებობს" - ამის შესახებ "RMG ჯგუფის" იურიდიული დეპარტამენტის უფროსმა მოსამართლეებისა და არქეოლოგების მიერ, ყაჩაღიანის უბანზე საყდრისის საბადოს ტერიტორიის დათვალიერების დასრულების შემდეგ განაცხადა.

როგორც ვახტანგ ფარესიშვილმა განაცხადა ტერიტორია ყველა დაინტერესებული პირის მიერ წარდგენილმა არქეოლოგმა შეამოწმა. მისივე თქმით დადასტურდა, რომ არქეოლოგიური ობიექტი დაშლილია და ის აღარ არსებობს. ვახტანგ ფარესიშვილი აცხადებს, რომ კომპანია საქმიანობას კანონის სრული დაცვით ახორციელებს.

"ყველა მხარის არქეოლოგმა დაათვალიერა აღნიშნული ობიექტი და ყველამ დაადასტურა, რომ არქეოლოგიური ობიექტი დაშლილია, აღარ არსებობს, სტერილურია და აღარანაირი ნიშანი და აზრი საქმიანობის შეჩერების აღარ არსებობს. კომპანია საქმიანობას კანონის სრული დაცვით ახორციელებდა და ახორციელებს. ამ შემთხვევაში ყველა კითხვის ნიშანი მოხსნილია", - განაცხადა ფარესიშვილმა.
დაბა კაზრეთში აქტიურად მიმდინარეობს საზოგადოებრივი ცენტრის მშენებლობა, რომელსაც იუსტიციის სამინისტრო ახორციელებს, პარალელურ რეჟიმში მიმდებარე ტერიტორიაზე კეთილმოწყობის სამუშაოები ხორციელდება, რომელიც ბოლნისის მუნიციპალიტეტის გამგებელმა მოინახულა. ეზოს მოპირკეთების სამუშაოები მაისის თვის დასაწყისში დაიწო და თვის ბოლოსთვის დასრულდება. საზოგადოებრივი ცენტრი ივნისის თვეში ოფიციალურად გაიხსნება. რის შემდეგაც კაზრეთის მაცხოვრებლებს საშუალება ექნებათ დაბიდან გაუსვლელად ისარგებლონ საჯარო და კერძო სექტორის ათეულობით სერვისით.
„არემჯიმ” კაზრეთის ქორეოგრაფიული ანსამბლ „მართვეს” მოსწავლეებს ცეკვის მაისურები გადასცა საჩუქრად, რომლებზეც სტუდიის სპონსორობის ნიშნად „მართვეს” სიმბოლოსთან ერთად კომპანიის ლოგოც არის დატანილი. „მართვეს” ქორეოგრაფმა გივი ტატიშვილმა, ბავშვებთან და მშობლებთან ერთად “არემჯის” კიდევ ერთხელ გადაუხადა მადლობა თანადგომისა და ყურადღებისათვის
კომპანის წარმომადგენლებმა ავლაბრის რეზიდენციის დატოვების გადაწყვეტილება მას შემდეგ მიიღეს, რაც პრეზიდენტის ადმინისტრაციის წარმომადგენლებისგან ვერ მიიღეს კონკრეტული პასუხი, შეხვდებოდათ თუ არა მათ გიორგი მარგველაშვილი. „ჩვენ ვეცადეთ პრეზიდენტთან შეხვედრას, რომ სიმართლე გვეთქვა. საათზე მეტხანს ველოდეთ, მაგრამ როგორც ჩანს, პრეზიდენტი არ გვხვდება. ალბათ, მას სიმართლის მოსმენა არ უნდა. უკვე გასაგებია ყველაფერი, რომ მას ჩვენთან შეხვედრა არ სურს. მან კიდევ ერთხელ დაამტკიცა, რომ არის არასამთავრობოების, „ნაციონალების“ და „თავისუფალი დემოკრატების“ პრეზიდენტი. ღმერთმა მშვიდობაში მოახმაროს. ჩვენ ჩვენს სამუშაოს მივხედავთ, აქ ჩვენს ყოფნას აზრი აღარ აქვს. ახლა წავალთ და ხელმძღვანელობას ვთხოვთ, რომ საკონფერენციო დარბაზი გამოგვიყონ, რათა ჩვენი, მშრომელი ხალხის აზრი დავაფიქსიროთ“, – განაცხადა RMG-ის თანამშრომელმა გიორგი ნასყიდაშვილმა. კომპანია RMG-ის თანამშრომლების საინიციატივო ჯგუფის წარმომადგენლები პრეზიდენტის ავლაბრის რეზიდენციასთან 12:00 საათისთვის შეიკრიბნენ. მათი მთავარი მოთხოვნა გიორგი მარგველაშვილთან შეხვედრა იყო. კომპანიის წარმომადგენელთა თქმით, პრეზიდენტი შეცდომაშია შეყვანილი და მას საყდრის-ყაჩაღიანთან განვითარებული მოვლენების შესახებ არასწორ ინფორმაციას აწვდიან. RMG-ის თანამშრომლები ამის გამო ითხოვდნენ პრეზიდენტთან შეხვედრას, რომ საკუთარი ინფორმაციაც მიეწოდებინათ. მათთან შესახვედრას პრეზიდენტის საპარლამენტო მდივნის მოადგილე ბესო აბაშიძე და პრესამსახურის წარმომადგენელი მივიდნენ პრეზიდენტის ადმინისტრაციის მისაღებში. მათ RMG-ის თანამშრომლებისგან მოთხოვნები მოისმინეს.
პრეზიდენტის ადმინისტრაციის მისაღებში პრეზიდენტის საპარლამენტო მდივნის მოადგილე ბესო აბაშიძე და პრეზიდენტის პრესსამსახურის წარმომადგენლები იმყოფებოდნენ, სადაც ისინი საინიციატივო ჯგუფს შეხვდნენ. ბესო აბაშიძე RMG-ის თანამშრომლებს იმ მიზნით შეხვდა, რომ გაერკვია, თუ რას ითხოვდნენ ისინი, შემდეგ კი აუხსნა, რომ მოთხოვნები წერილობითი ფორმით უნდა ჩამოეყალიბებინათ და პრეზიდენტის ადმინისტრაციისთვის ოფიციალურად მიემართათ, თუმცა მის ამ შეთავაზებაზე საინიციატივო ჯგუფის წევრებმა უარი თქვეს. მათ პრეზიდენტის წარმომადგენლებს აუხსნეს, რომ უკვე რამდენიმე თვეა, პრეზიდენტთან შეხვედრას ცდილობენ, თუმცა შეხვედრა აქამდე არ შედგა. მათ ბესო აბაშიძეს ისიც განუმარტეს, რომ საყდრის-ყაჩაღიანი არ არის კულტურული მემკვიდრეობის ძეგლი და არ შეიძლება საკითხის პოლიტიზირება. მათივე თქმით, კომპანია RMG-ის უამრავ თანამშრომელს სამსახურის დაკარგვა ემუქრება. „გადაეცით პრეზიდენტს, რომ ჩვენ მოვედით იმისთვის, რომ პრეზიდენტი შეგვხვდეს. ჩვენი იმპერატიული მოთხოვნაა მასთან შეხვედრა“, – განუცხადეს RMG-ის თანამშრომლებმა პრეზიდენტის წარმომადგენლებს. პრეზიდენტის წარმომადგენლებმა კომპანიის თანამშრომლებთან შეხვედრის შემდეგ ჟურნალისტებთან კომენტარი არ გააკეთეს. რაც შეეხებათ საინიციატივო ჯგუფის წარმომადგენლებს, ისინი განცხადების დაწერას არ აპირებენ. ისინი პრეზიდენტის მისაღებში იმყოფებიან და აცხადებენ, რომ აქვე დაელოდებიან, სანამ პრეზიდენტი არ მიიღებს. ცნობისთვის, პრეზიდენტის ადმინისტრაციასთან კომპანია RMG-ის თანამშრომლების საინიციატივო ჯგუფის წარმომადგენლები გიორგი მარგველაშვილთან შეხვედრის მოთხოვნით შეიკრიბნენ.
კომპანია RMG-ის თანამშრომლები მიიჩნევენ, რომ საქართველოს პრეზიდენტი კომპანია RMG-ის შესახებ არასწორ ინფორმაციას ფლობს. საინიციატივო ჯგუფის წევრები აცხადებენ, რომ საყდრის-ყაჩაღიანთან განვითარებულ მოვლენებს პარტიები და არასამთავრობო ორგანიზაციები სპეკულირებისთვის იყენებენ. მათ პრეტენზია აქვთ პრეზიდენტის მრჩეველ კახა კოჟორიძესთან, მის განცხადებებს საყდრისთან დაკავშირებით არ იზიარებენ და თავად კოჟრიძესთან შეხვედრასაც ითხოვენ. „მინდა მივმართო პრეზიდენტს, განა ასეთი ძნელია მართალ ადამიანებთან ლაპარაკი?! პრეზიდენტი უჯერებს გრანტიჭამია კოჟორიძეს. იქნებ დღეს თვითონ გამოიჩინოს ინიციატივა და შეგვხვდეს. ამ საწარმოს ქვეყნის ეკონომიკისთვის უდიდესი მნიშვნელობა აქვს. ჩვენ განა ისეთი ბარბაროსები ვართ, რომ კულტურული მემკვიდრეობის ძეგლი ჩვენს სამსახურებს შევწიროთ? მაგრამ იქ არავითარი კულტურული ძეგლი არ არის. საწარმომ უნდა იმუშაოს და ქვეყნის ეკონომიკა აყვავდეს. გიორგი მარგველაშვილს შეუძია ჩვენისთანა ხალხის პრეზიდენტიც იყოს“, – განუცხადა ჟურნალისტებს საინიციატივო ჯგუფის წარმომადგენელმა მანანა მიქელაძემ. RMG-ის თანამშრომლის გიორგი ნასყიდაშვილის განმარტებით კი, პრეზიდენტმა მხოლოდ არასამთავრობოებს კი არა, RMG-ის თანამშრომლებსაც უნდა მოუსმინოს, რომ სრული ინფორმაცია ჰქონდეს. „პრეზიდენტთან ვითხოვთ შეხვედრას და გვინდა გაგვარკვიოს, რა კონსულტაციები მიდიოდა არასამთავრობოებთან, „ნაციონალურ მოძრაობასთან“ და „თავისუფალ დემოკრატებთან“. თუმცა ჩვენ ვიცით რა კონსულტაციებიც მიდიოდა. ეს იყო თანამშრომლებს შორის საბოტაჟის მოწყობისთვის გამართული კონსულტაციები. ჩვენი აზრით, პრეზიდენტი ან არასწორად არის ინფორმირებული ამ საკითხზე, ან მხოლოდ გრანტიჭამია არასამთავრობოების პრეზიდენტია“, – განაცხადა გიორგი ნასყიდაშვილმა. როგორც პრეზიდენტის ადმინისტრაციასთან აცხადებენ, კაზრეთიდან 2 თვის წინ ათასზე მეტი ადამიანი იყო ჩამოსული იმავე მოთხოვნით, რომ პრეზიდენტს შეხვედროდნენ, თუმცა მაშინ პრეზიდენტმა მათთან შეხვედრის ნება არ გამოიჩინა.
საყდრისის დაცვის კომიტეტი პოლიტიკურ პარტიებს ემიჯნება და მათთან ყველანაირ ურთიერთობას წყვეტს, - ამის შესახებ დღეს გამართულ პრესკონფერენციაზე კომიტეტის წევრმა ირაკლი მამალაძემ განაცხადა. მისი თქმით, ბოლო პერიოდში საყდრისის დაცვის კომიტეტთან დაკავშირებით ისმის ბრალდებები, რომ კომიტეტი პოლიტიკურ პარტიებთან, კერძოდ კი "ნაციონალურ მოძრაობასთან" თანამშრომლობს. "ჩვენ ვართ საზოგადოებრივ საწყისებზე შექმნილი ძალა და არც ერთ პოლიტიკურ ძალასთან არც ახლა და არც მომავალში არ ვაპირებთ ურთიერთობას და ვემიჯნებით ყველას. იყო გარკვეული აქტივობები საპარლამენტო კომისიის შექმნასთან დაკავშირებით "თავისუფალ დემოკრატებთან" და "ნაციონალურ მოძრაობასთან". თუმცა, დღევანდელი ჩვენი შეხედულება არის ასეთი", - აღნიშნა მამალაძემ. მისივე თქმით, მედიაში კობა ნაყოფიას განცხადება იყო წარმოჩენილი საყდრისის დაცვის კომიტეტთან ერთ კონტექსტში. "გვაქვს ეჭვები, რომ ეს ადამიანი იწყებს ბრძოლას კომპანიის მენეჯმენტთან და ჩვენ არ გვინდა ვიყოთ გამოყენებული ვინმეს იარაღად და მოხდეს ისე, რომ ჩვენი აქტივობა ვინმემ გამოიყენოს", - განახცადა მამალაძემ. კომიტეტის კიდევ ერთი წევრის, ნინო ბურჭულაძის თქმით კი, საყდრისის დაცვის კომიტეტი არის სამოქალაქო საზოგადოების ნაწილი და დამოუკიდებელი რჩება საყდრისისთვის ბრძოლაში. "საყდრისისთვის ბრძოლა არ შეწყდება. ჩვენ გვინდა ვინმე მავანმა არ იფიქროს, რომ ჩვენ ჩავერთვებით პოლიტიკურ პროცესში. ჩვენ დავრჩებით დამოუკიდებლები", - აღნიშნა ბურჭულაძემ.